[Page 207]


Air β€” Jockie's Grey Breeks.
1 THE toiling day his task has duin,
2 And night sits on yon mountain's brow,
3 She's luikt her last luik o' the sun,
4 An' muffl'd up the vales below.
5 The weary ploughman seeks his heaam,
6 His blythsome ingle far he sees;
7 An' oft peeps out his winsome deame,
8 While the wee things rin aroun' the bleeze.
9 At last he cums, and on his knee
10 The wee tots a'thegether cling,
11 An' ilk ane strives to catch his ee,
12 Syne tugs his cwoat an' bids him sing.
13 An' when the halesome supper's duin,
14 An' noisy prattlers laid asleep,
15 A lad you spy by blink o' muin,
16 Wha says he seeks a strayand sheep.
[Page 208]
17 The father bids the chiel cum in,
18 Sweet Bessy blushes rosy red;
19 She ne'er luiks up, for she mun spin,
20 An' fine she draws the slender thread.
21 But the sly dad aft blinks his ee,
22 An' her flush'd cheek the redder grows;
23 "Cum, Bess, fling by the wheel," says he,
24 "An' gie's the Broom o' Cowdenknows."
25 And now the sang an' tale gaes roun,
26 An' the pint smiles wi' heartsome ale;
27 An' mony a glance sweet Bessy's found
28 Has power to tell a flattering tale.
29 The stranger rises to be geane,
30 Treads Bessy's gown, and whispers low,
31 "O when, sweet lassie, ye're your leane,
32 This heart o' mine wad joy to know."


  • TEI/XML [chunk] (XML - 68K / ZIP - 7.5K) / ECPA schema (RNC - 357K / ZIP - 73K)
  • Plain text [excluding paratexts] (TXT - 1.2K / ZIP - 873 )

Facsimile (Source Edition)

(Page images digitized from a copy in the Bodleian Library [42.256].)



All Images (PDF - 2.3M)

About this text

Title (in Source Edition): THE TOILING DAY HIS TASK HAS DUIN.
Genres: song

Text view / Document view

Source edition

Blamire, Susanna, 1747-1794. The Poetical Works of Miss Susanna Blamire β€œThe muse of Cumberland.” Now for the first time collected by Henry Lonsdale, M.D. with a preface, memoir, and notes by Patrick Maxwell, ... Edinburgh: John Menzies, 61 Princes Street; R. Tyas, London; D. Robertson, Glasgow; and C. Thurnam, Carlisle. MDCCCXLII., 1842, pp. 207-208.  (Page images digitized from a copy in the Bodleian Library [42.256].)

Editorial principles

Typography, spelling, capitalization, and punctuation have been cautiously modernized. The source of the text is given and all significant editorial interventions have been recorded in textual notes. This ECPA text has been edited to conform to the recommendations found in Level 5 of the Best Practices for TEI in Libraries version 4.0.0.

Other works by Susanna Blamire